CONFERENCE HMANG TUR TE NEN
February 29th, 2012
KTP General Conference a kal tur Taiwan 5, Wales 3 leh CKTP Committee Member te nen Feb. ni 28 zanah khan Chhinga Veng Kohhran Hall-ah zanriah kilho a ni. Zanriah ei hma hian Kohhran Hall-ah hun reilo te hman a ni a, CKTP Asst. Leader in kaihruaiin, CKTP Leader lehkhabu ziah MIZORAM SYNOD CHOIR TAIWAN AH tih chu Taiwan Group Leader Jo Jo in a tlangzarh a, Kohhran Secretary Upa Hmingthansanga’n tawngtaina hun a hmang bawk. Kan Branch Jubilee T.Shirt kan mikhual zawng zawng te hnenah hian kan Present vek bawk a ni. Taiwan atanga lokalte hi nikum lama kan Synod Choir ten Taiwan an tlawh tuma lo dawngsawng tute an ni a, mizo te min ngainain an bula awm pawh a nuam hle a ni.
Posted in News | Comments Off
BIAL BETHEL 2012
February 25th, 2012
Bial inkhawmpuiin a lo rel tawh angin Chhinga Veng Pastor Bial Bethel chu Feb. ni 24 zanah khan Dawrpui thlanmualah hman a ni. Bethel turte hi Chhinga Vengthlang Kohhran Hall-ah innghak khawmin hun kan hmang hmasa a, Pu Vanlalhrila Bial Fin. Secretary-in a kaihruai a, Pu Lalthanruala Chhinga Veng, Koinonia Team Speaker in thuchah tawi sawiin, thlanmual lamah pawh Pu Lalthanruala Bawk hian tawngtaina neih a nih hmain hnehna puan au rualna hun min neih pui leh a, tawngtaina tur thupui te a sawi zawhah Bethel na hun kan hmang chhunzawm nghal a ni. Thlanmaul lamah hun kan hman zawh ah hian Vengthang Kohhran Hall-ah lut chho lehin, Vengthlang Branch ten refreshment an buatsaih tuihnai tak mai chu kan chang ho leh a, kohhran hall ah zaikhawmna hun hmang leh bawk a ni.
Posted in News | Comments Off
KTP DAY 2012
February 24th, 2012
Kumin KTP Day chu Nilaini te a nih avangin zan lam programme a hran a siam a ni lo a, chutih rualin zingkarah kohhran hall tihfai hnatlangte neih a niin, zan lam kohhran inkhawmah zaipawl kan neih bakah male voice tha tak neih a ni. Inkhawm banah refreshment tuihnai tak mai kohhran inkhawm zawng zawngte chan turin kan buatsaih bawk.
Posted in News | Comments Off
DATA ENTRY HNATLANG
February 4th, 2012
Primary School naupangte hming etc..entry hnatlang Feb ni 2 leh ni 3 zanah khan Chhinga Veng Middle School hnuaia Laldenga Computer Traning na hmunah neih a ni. Hming hi singkhat vel chhut tur a ni a, a chhu thiam ten kan chhu mual mual a, chhuve thiamlo ten an chhut tur kan lo sawisak mual mual bawk a, a thenin thingpui kan lum bawk a, a then te chu kilkhatah kan lo ti ti bawk a, a hlim awm hle a ni. Heng zanhnihah te hian Pu Hmingsanga leh Nl Matelawmi te hi an luck hle a, kil tin atang kan ko mawlh mawlh mai, an ni 2 kaihhruaina hnuaiah hian hnatlang te pawh hi ka nei a ni.
Posted in News | Comments Off
GROUP HRANG HRANG TEN SUMTUAK HNATLANG AN NEI
February 1st, 2012
Kuminah Branch tichak tura din Group hrang hrang 4 ten sumtuak hnatlang an nei leh ta chur chur mai le, Jan ni 24 zanah khan Upa Sialneihthanga Group te chuan tel thiar hnatlang an nei a, ni 25 leh 26 zanah Upa Lalbiaka Group ten tel thiar hnathang an nei veleh bawk a, ni 26 zanah vek hian Upa Lalzarliana Group te chuan leivung paih hnatlang an nei ve bawk a, ni 31 zanah Upa Lalbiaka Group te hian hmunphiah zawrh hnatang an nei bawk a ni. Jan ni 30 zanah khan Upa Lalbiakliana Group ten tel thiar hnatlang an nei ve leh bawk a ni.
Posted in News | Comments Off
BIAL INKHAWMPUI VAWI 7-NA
January 28th, 2012
January ni 20-22 chhung khan Chhinga Vengthlang Kohhran Biak In ah Bial Inkhawmpui vawi 7 na chu tluang taka hman zawh a ni. Zirtawp zanah Branch hrang hrang te leh Bial reports ngaihthlak a ni a, hemi zanah hian kan Branch in zaipawl kan neiin member kan thahnem bawka zai a nuam hle a ni. Inrinniah hruaitu thlan leh rorel na neih a ni a, kan Branch Agenda te pawh pass vek a ni a, rorel palai pawh kan kal tha hle a ni. Khawmpui Thupui ‘Khawiah nge i awm’ tih hmangin Bialtu Pastor K . Lalthangmawia’n tum thum a sawi a, bial member te pawn kan hlawk pui hle a ni. A thlengtu te inbuatsaihna a tha hle a, refreshment tuihnai tak min hlui reng thei mai te kha an fak awm hle a ni.
Posted in News | Comments Off
KUM 2012 MEMBER INHLANTHARNA HMAN A NI
January 9th, 2012
Kum 2012 chhunga member inpe te puala inhlan tharna hun chu ni 16/1/2012 khan hman a ni. Chhinga Veng KTP member 250 vel kan inkhawm thei a, Chhinga Veng KTP hming that leh chhiat hi kan kutah a in nghat a, nang leh kei hi kan thawhchhuah that loh chuan tuman min rawn thawh sak dawn lo. Member a la inpe lo zawng zawng te KTP member a inpe thar turin kan insawm nghal a ni. Hemi zanah hian Branch Leader Pu V.L. Thlamuana’n inkhawm a kaihruai a, Thil pek hlanna hun Pu H. Liantluanga’n a hmang a, hruaitu thar (Group OB leh Branch Committee member) te hlanna leh tawngtaisakna Upa Vansanglura’n hmangin Bialtu Pastor Rev. K. Lalthangmawia hnen atang fuihna thuchah ngaihthlak a ni. Inkhawm banah inkhawm zawng zawng tan thingpui leh a hmeh tui tak buatsaih chu kan changho bawk a ni.
Posted in News | Comments Off
KUM 2012 BRANCH OFFICE BEARER
January 8th, 2012
Leader - Pu V.L. Thlamuana
Asst. Leader – Pu Lalnunsiama
Secretary - Pu S. Lalchhuanawma
Asst. Secretary – Tv. H. Lallungmuana
Treasurer – Pu Hmingthansanga
Fin. Secreary – Pu H. Liantluanga
Posted in News | Comments Off
KRISMAS URLAWK ZAN LEH KUMHLUI THLAH ZAN
January 3rd, 2012
Krismas urlawk zan leh kumhlui thlah zan chu kohhran committee in KTP te kuta a dah ang in, KTP lamin Programme te duangin, kohhran mipui (a pui, a nawi) ten hlim takin kan hmang a ni. Krismas urlawk zan bikah hian special item hrang hrang te kan enin kan thlirho a, mit leh beng a tlei hle a ni. Kumhluithlah zanah hian pawn lam mi zaithiam Nancy, Henry leh a thiante, Dr. Luke leh The Chosen te sawm an ni a, hemi zanah hian zanlai ruai buatsaih chu a kal zawng zawng ten kan chang ho a, Bialtu Pastor kaihhruainain zanlai inkhawm Kohhran Biak In ah kan hmang bawk a ni.
Posted in News | Comments Off
GOLDEN JUBILEE PROJECT
January 3rd, 2012
Golden Jubilee Project pakhat Hoarding (Pathian thu inziak) hmunhniha tar tura tih chu, Dec. ni 27 khan Branch member 33 hnatlanga thawkchhuakin, World Bank Road ah leh Lengpui Airport Road ah tar a ni a, hnatlanga thawkchhuak te ei tur Krismas fatuten Sa min pek te kengin a hmunah chaw te chhum chawpin EDEN HUAN ah RUAI ROPUI kan theh bawk a ni.
Posted in News | Comments Off